Skip to main content

பரிசுத்தொகையில் பாரபட்சம் காட்டும் தமிழக அரசு!

April 26, 2019
Image

குதுப்தீன்

கட்டுரையாளர்

Image

இரண்டு ஆண்டுகளுக்கு ஒருமுறை களைகட்டும் ஆசிய அளவிலான தடகளப் போட்டி, இந்த முறை கத்தார் தலைநகர் தோஹாவில் நடைபெற்றது. 21-ம் தேதி இந்தப் போட்டி தொடங்கிய போது, தமிழகத்தில் ஐபிஎல் கிரிக்கெட் விளையாட்டு தொடர் பற்றிய வாதப் பிரதிவாதங்கள் வலைத்தளங்களில் சூடுபிடிக்கத் தொடங்கியது.


23-ம் தேதி சென்னை சூப்பர் கிங்ஸ் அணி, ஹைதராபாத் அணியை வீழ்த்திய செய்தியை ஒன்றுமில்லாமல் செய்தார் திருச்சியைச் சேர்ந்த தடகள வீராங்கனை கோமதி.


தோஹாவில் நடைபெற்ற ஆசிய தடகளப் போட்டியில், 800 மீட்டர் ஓட்டப் பந்தயத்தில் பங்கேற்ற அவர், பந்தய தூரத்தை 2:02.70 வினாடிகளில் கடந்து தங்கப் பதக்கத்தைச் சூடினார். ஆசிய அளவில் தங்கப் பதக்கம் வென்ற மகிழ்ச்சியில் அவர் திளைத்திருக்க, இதுதான் அவரது ஓட்டப் பந்தய வாழ்வில் மிகச் சிறந்த போட்டி என சொல்லும் வகையில் குறைவான நேரத்தில் பந்தய தூரத்தை கடந்திருப்பதை அறிந்து மகிழ்ந்தார்.


பல்வேறு தரப்பிலிருந்தும் கோமதிக்கு பாராட்டுகள் குவிந்த வண்ணம் உள்ளன. தமிழக அரசு சார்பிலும் பாராட்டுக்கள் தெரிவிக்கப்பட்டதோடு, ஊக்கத் தொகையாக 3 லட்சம் ரூபாயும் கோமதிக்கு வழங்கப்பட்டுள்ளது.


ஒரு பக்கம் கோமதியை தமிழர்கள் கொண்டாடிக் கொண்டிருக்கும் அதேவேளை, மறுபக்கம் விளையாட்டு ஆர்வலர்கள் தமிழக அரசின் விளையாட்டுக் கொள்கையை விமர்சித்து விளாசத் தொடங்கியிருக்கிறார்கள்.


சர்வதேச அளவில் சாதிக்கும் அனைத்து விளையாட்டு வீரர்களும் ஊடங்களுக்கு பேட்டியளிக்கும் போது, இரண்டு விஷயங்களை மறக்காமல் குறிப்பிடுவது வாடிக்கை. 1. பதக்கம் பெற உதவியவர்களுக்கு நன்றி. 2. தமிழக அரசின் உதவியை எதிர்பார்ப்பது.


கோமதியும் அப்படித்தான் ஊடகங்களுக்கு பேட்டி கொடுத்தார். தமிழக அரசு விளையாட்டு வீரர்களுக்கு உதவி செய்தால், திறமையான ஏழை மாணவர்கள் சாதிப்பார்கள் என்று கூறினார்.


நான்கு ஆண்டுகளுக்கு ஒருமுறை சர்வதேச அளவில் ஒலிம்பிக் போட்டிகள் நடைபெறும் போது, பதக்க வேட்டையில் பின்தங்கும் போது இந்திய அளவில் விவாதம் நடப்பதும், போட்டிகள் முடிவடைந்த பின் அதைக் கடந்து போவதும்தான் இந்திய விளையாட்டுத் துறையின் சாபக் கேடாக உள்ளது.


கோமதி போன்ற சாதாரண குடும்பப் பின்னணியில் இருந்து வந்த வீரர்கள், திடீரென பதக்கம் பெற்று கவனம் பெறும் போது, விளையாட்டுத் துறையின் மீது அரசு தீவிர கவனம் செலுத்த வேண்டும் என்ற குரல்கள் எழுவது வாடிக்கை. இப்போதும் அப்படித்தான் குரல்கள் ஒலிக்கின்றன. ஆனால் அரசின் கொள்கை முடிவிலேயே, பாரபட்சங்களை கைவிட்டு, சீர்திருத்தம் செய்ய வேண்டும் என தற்போது, விளையாட்டு ஆர்வலர்கள் வேண்டுகோள் விடுக்கின்றனர்.


தமிழகத்தில் விளையாட்டுத்துறை மேம்படுத்த, ஐஏஎஸ் அதிகாரியின் தலைமையில் தமிழ்நாடு விளையாட்டு மேம்பாட்டு ஆணையம் செயல்பட்டு வருகிறது. பயிற்சியாளர்களை நியமிப்பது, விளையாட்டு மைதானங்களை பராமரிப்பது, திறமையான விளையாட்டு வீரர்களை தேர்வு செய்து பயிற்சி அளிப்பது உள்ளிட்ட பணிகளை தமிழ்நாடு விளையாட்டு மேம்பாட்டு ஆணையம் மேற்கொண்டு வருகிறது.


கடந்த 2001-ம் ஆண்டு, விளையாட்டுத் துறையில் சாதிப்பவர்களுக்கு ஊக்கத் தொகை அளிக்கும் விகிதம் மாற்றி அமைக்கப்பட்டது. அதன் விவரம்:

எண்     விளையாட்டுப் போட்டி           தங்கம்               வெள்ளி                வெண்கலம் 
1                    ஒலிம்பிக்                        ரூ. 2 கோடி           ரூ. 1 கோடி         ரூ. 50 லட்சம்
2                ஆசியப் போட்டி                ரூ. 50 லட்சம்       ரூ. 30 லட்சம்     ரூ. 20 லட்சம்
3        காமல்வெல்த் போட்டி            ரூ. 50 லட்சம்       ரூ. 30 லட்சம்      ரூ. 20 லட்சம்
4           தெற்காசிய போட்டி               ரூ. 5 லட்சம்         ரூ. 3 லட்சம்        ரூ. 2 லட்சம்
5               தேசிய போட்டி                    ரூ. 5 லட்சம்        ரூ. 3 லட்சம்         ரூ. 2 லட்சம்

ஆதாரம்: https://www.sdat.tn.gov.in/content.php?token=highcash

ஒலிம்பிக் சங்கம் சர்வதேச மற்றும் ஆசிய அளவில் நடைபெறும் போட்டிகள் 4 ஆண்டுகளுக்கு ஒருமுறை நடத்தப்படுகிறது. அதேபோல, காமல்வெல்த் விளையாட்டுப் போட்டிகளும் 4 ஆண்டுகளுக்கு ஒருமுறை நடத்தப்படுகிறது. தெற்காசிய மற்றும் தேசிய விளையாட்டுப் போட்டிகள் 2 ஆண்டுகளுக்கு ஒருமுறை நடத்தப்படுகிறது.


இந்தப் போட்டிகளில் வெல்பவர்களுக்கு மட்டுமே தமிழக அரசின் சார்பில் ரொக்கப் பரிசு வழ